ශ්‍රී ලංකාවේ එළු පාලනය ප්‍රධාන වශයෙන් මස් හා කිරි නිශ්පාදනය සදහා සිදු කරයි.
අනෙක් සතුන් පාලනයට සාපේක්ශව එළු පාලනයේ වාසි.
• මස් පිණිස අලෙවි කිරීමේදී ඉතාමත් හොඳ වෙලඳපොලක් පැවතීම
(සාමාන්‍යයෙන් එළුවන් ජීව බර කිලෝග්‍රෑම් එකක් රුපියල් 700 – 800 පමණ මිලකට අලෙවි කල හැකිය)
• අවශ්‍ය ශ්‍රම ඒකක ප්‍රමානය අඩුය.
• අවශ්‍ය මූලික පිරිවැය අඩුවීම.
• ගවයින් ඇතිකිරීම නුසුදුසු භූමි එලුවන් ඇතිකිරීමට සුදුසු වීම.
• එක් එලදෙනක් ඇති කිරීමට වැය වන වියදමින් එළුවන් 6-8 ප්‍රමානයක් ඇතිකල හැකිවීම.
• එළු කිරි වල පෝෂණ ගුණය වැඩිවීම.
එළු කිරිවල මේද ගෝලිකා කුඩා නිසා ජීරණය පහසුය.
එළුවන් ක්ශය රෝගයට ප්‍රතිරෝධයක් දක්වන බැවින් එලු කිරි හරහා මිනිස්සුන්ට ක්ශය රෝගය වැලදීමේ අවධානම නොමැති වලට වීම.
ශ්‍රී ලංකාව තුල ඇතිකරන එළුවන් වර්ග
• ජමුනාපාරි(jamunapari)
උතුරු ඉන්දියාවේ සම්භවය වී ඇත.
හොඳ පෙනුමක් ඇති විශාල වර්ගයකි.
දිගට එල්ලා වැටෙන දිගටි විශාල කන් පිහිටා ඇත.
සාමාන්‍යයෙන් සුදු දුඹුරු පැහැයක් ගනී.
කොකු හැඩැති (රෝමන්)නාසයක් ඇත.
අං කෙටිය,පැතලිය.
කෙටි සිනිඳු ලෝම ඇත.
එල්ලා වැටෙන විශාල බුරුල්ලක් ඇත.
දිනකට කිරි ලීටර 1,2ක නිශ්පාදනයක් ඇත.
කිරි වල 5-6%;මේද ප්‍රතිශතයක් ඇත.
හොදින් වැඩුනු පිරිමි සතෙක් 75-100kg හා
ගැහැනු සතෙකු 65-70kg පමණ බරවේ.
• සානන් ( saanen)
ස්විට්සර්ලන්තයේ සානන් මිටියාවතේ සම්භවය වී ඇත.
කිරි ලබා ගැනීමට විශේෂයෙන් ඇති කරනු ලබයි.
හිස දිගටිය.
මුහුණ සෘජුය.
කන් කුඩාය,කෙලින් උලට ඉදිරියට නැමුණු ස්වාභාවය ඇත.
දිග සිහින් බෙල්ලක් ඇත.
ශරීර වර්ණය සුදුය.
කෙටි ලෝම ඇත.
කිරි නිශ්පාදනයට ප්‍රසිද්ධ සත්ව වර්ගයකි.
එක් කිරි මුරයකදී කිරි ලීටර 1000ක පමණ නිශ්පාදනයක් ලබාගත හැක.
• නූබියන්.(nubian)
උතුරු අප්‍රිකාවේ නූබියා ප්‍රදේශයේ සම්භවය වී ඇත.
විශාල ශරීරයක් ඇත.
ශරීර වර්ණය කලු,රතු,දුඹුරු වර්ණයක් ගනී.
හිස අසලින්ම එල්ලා වැටෙන විශාල කන් ඇත.
කොකු හැඩැති (රෝමන්)නාසයක් ඇත.
පැද්දෙන් සුළු විශල බුරුල්ලක් ඇත.
කිරි නිශ්පාදනය හා මස් පිණිස ඇති කරයි.
එක් කිරි මුරයකදී කිරි ලීටර 1000ක් පමණ ලබාගත හැක.
කිරිවල් මේදය 4-6% අතර වේ.
පරිණත පිරිමි සතෙක් 80kg හා
පරිණත ගැහැණු සතෙකු 60kg පමණ බර වේ.
• ටොගන් බර්ග්.( toggenburg )
ස්විට්සර්ලන්තයේ ටොගන්බර්හි සම්භවය වී ඇත.
තද පාට පුල්ලි සහිත කන් ඇත.
මුහුණ දෙපස සුදු රේඛා ඇත.
පාදවල ඇතුල් පැත්ත සුදුපාටය.
ශරීර වර්ණය දුඹුරු පැහැ ගනී.
කන් කෙලින් ඉදිරියට නැමී ඇත.
පරිණත පිරිමි සතෙක් 70kg හා
පරිණත ගැහැණු සතෙකු 60kg පමණ බර වේ.
• බෝයර්(Boer)
මස් නිශ්පාදනය සඳහා ඉතා සුදුසු වර්ගයකි.
කෙටි පාද,
පලල් හා කඩා වැටුනු කන්,
පලල් පපු පෙදෙස,
සිනිඳු කෙටි ලෝම,
බෙල්ල හා හිස දුඹුරු පැහැ වන අතර ශරීරය සුදු පැහැති වේ.
විශාල ශරීරයක් ඇත.
• ඇරිකන් (දේශීය එළුවන් )
ශ්‍රී ලංකාවේ බහුලව දක්නට ලැබෙන එලුවන් වර්ගය වේ.
ලංකාවේ වියලි කලාපයේ කර්කශ දේශගුණයට හොඳින් අනුවර්ථනය වී ඇති සතුන් වේ.
සාමාන්‍ය ශරීර බර 20-30kg පමණ වේ.
ශරීර ප්‍රමානය කුඩාය.
ශරීර වර්ණය සුදු,අළු,පුල්ලි සහිත වර්ණයක් දරයි.
• කොට්ටුකච්චිය (kottukachchiya )
දකුණු ඉන්දියාවේ සම්භවය වී ඇත.
ලංකාවේ කොට්ටුකච්චිය ප්‍රදේශයේ බහුලවම දැකිය හැකි නිසා මෙම නම ලැබී ඇත.
ශරීර වර්ණය කළු පැහැයක් ගනී.
ශරීර ප්‍රමානය මධ්‍යම වේ.
නිවුන් පැටවුන් බිහිකිරීමේ හ්කියාව වැඩිය.
කටුක පරිසර තත්ව වලට ඔරොත්තු දීමේ හැකියාව ඉතා ඉහලය.
ප්‍රධාන වශයෙන් මස් සඳහා ඇති කරයි.
• ශ්‍රී ලංකා බෝයර්.( sri lanka boer)
බෝයර් සතුන් හා කොට්ටුකච්චිය සතුන් අතර මුහුම් කිරීමෙන් ඇති කරන ලද නව විශේෂයකි.
මධ්‍යම ප්‍රමාණයේ දිගු පාද හා කන්
කෙටි ලෝම ඇත.
ශරීර වර්ණය බෙල්ල හා හිස කළු පැහැ වන අතර ශරීරය සුදු පැහැ ගනී.
ශරීර ප්‍රමානය දේශීය එළුවන්ට සාපේක්ශව විශාල වේ
මස් සදහා සුදුසු වේ.
කරුණාකර කතු හිමිකම සුරකින්න.
Tharindu sampath
